Реафирмација и ревалоризација со високи национални вредности

Sažetak

Неодамна појавениот монументален проект Историја на црногорската книжевност, од една страна се открива како посебна можност за натамошна и повисока квалитативна афирмација на црногорската книжевност, а од друга како финално дорекување и ревалоризација на црногорската наука за книжевноста. Предвидливи веќе со самото партиципирање во овој проект на вистински резултатни и претходно потврдени партиципиенти во црногорската наука како што се Новак Килибарда, Радослав Ротковиќ и Милорад Никчевиќ, тоа е проект во којшто се остварени вредности не само од научен, туку и од национален карактер. Историја(та) на црногорската книжевност ја потврдува и досега несомнената и забележлива позиција на црногорската книжевност во контекстот на јужнословенското и на словенското книжевно заедништво.